價格：免費
更新日期：2019-09-22
檔案大小：5.8M
目前版本：1.0
版本需求：Android 4.0.3 以上版本
官方網站：mailto:Info.Wassilni@gmail.com
Email：https://sites.google.com/view/suhaibsalman/privece-police
تطبيق وصّلني ، هو طريقك عشان تلاقي التّوصيلة اللي بتحتاجها في الوقت اللي بناسبك، ومع طالب من طلاب جامعتك أو كلّيتك!
حابّين ننشرلكم النسخة التجريبيّة من التطبيق لحتّى نقدر نقيس مدى فاعليّة نظام النقل اللي بقدمه تطبيق وصّلني، واللي مكوّن من طلّاب بساعدوا بعضهم البعض.
في وصّلني اشتغلنا عشان نخلق بيئة نقل آمنة ومجّانية (أو بأسعار رمزيّة) لطلبة الجامعات والكليّات،وهو نظام نقل مبني على توفير الوقت والمال والجهد لنحل مشكلة المواصلات للطلّاب.
مبسوطين بإنّه فئة مستخدمي تطبيق وصّلني هي من الطلّاب، ليكون عنّا نقطة انطلاق شبابيّة، قادرة إنها تساعد بعضها، لنحل مع بعض مشكلة المواصلات وأزمات السّير والأسعار المرتفعة لسيارات النقل الخصوصي.
نظام التطبيق بسيط جدّاً، وهو مكوّن من طرفين، السّائق والرّاكب فقط، اللي بقدروا ينسقوا مع بعضهم موعد رحلتهم عن طريق تطبيق وصّلني ، لتصير عمليّة النقل سهلة وآمنة "وخفيفة عالجيبة"، لأنّه الطلّاب السائقين ممكن يقدموا هاي الخدمة "مجّاناً" أو يتقاسموا تكلفة الوقود مع الطّلاب الرّاكبين معهم، عشان نقدر نوزّع الوقت والمال والجهد عالطرفين.
وفّرنا في وصّلني خيار إنّك تقدر تحدّد فئة الرّاكب أو السائق من ذكر أو أنثى، لحتّى تقدر تحدّد مستوى الأمان اللي بتحتاجه حتى تكون مبسوط ومرتاح خلال رحلتك.
التطبيق مجّاني 100%، وفي الصّور دليل استخدام وصّلني، بتقدروا تشوفوه لتفهموا أكتر، أو تتواصلوا معنا على بريدنا الإلكتروني:
Info.Wassilni@gmail.com